من يكون ....

من يكون ....

أتظنون من يكون...!!

إنه حبيبنا محمد رسول الله

حبيبا... رحيماً... عظيماً... مجاهداً... صادقاً... أميناً…

علمتنا أن نحب قبل أن نرى على الوجود من نحب...

أحببتنا وما لقيتنا

فأحببناك وشكونا إلى الله ألم فراقك...

أترانا نلتقى يوما عند حوضك ونشرب من كأس تقدمه يداك...؟!

تلك أمنية تحيا بها نفوسنا...

اشتقنا إليك...

فطارت أرواحنا هناك بعيدا وهوت عند حوضك

فهيا نحب رسول الله...

حباً يسمو بالنفوس... حباً سماوى يشمخ بالنفوس...

فكيف ننصره…!!!

هذه دعوة للنقاش... كيف ننصره ليصدق حبنا له…

ناقشونا واقترحوا علينا كيف ننصره…

نريد وسائل لنصرته

إن أخرج كل منا وسيلة لنصرته هنا فقط نستحق أن نكون أحبابه....

فى انتظاركم يا أحباب رسول الله…

الصبر على الأذى

يقول رسول الله (صلى الله عليه وسلم

المؤمن الذي يخالط الناس و يصبر على أذاهم ، أفضل من المؤمن الذي لا يخالط الناس و لا يصبر على أذاهم

... صححه الألباني

لا أدعي بأنني مؤمن

فقط مُسلم يحاول إرضاء ربه

ولكنني قررت أن أكون ممن لا يخالطون الناس

ولا أطلب منكم إلا أن تتركوا لي هذه المساحة من الحرية الشخصية (المدونة)

إذا أخطأت فيما يختص بالحلال والحرام فانصحوني بما يُرضي الله

أما إذا كان الأمر دنيويا فأنا مُتمسك برأيي الشخصي

والله المستعان

سرد مواقف للتسلية

السلام عليكم

الواحد وهو ماشي في الشارع، راكب مواصلة، واقف في مكان ما، بالاقي

بعض المواقف العجيبة اللي بتحصل من بعض الناس

بعضها يضحك، بعضها يبكي، بعضها يخليك تضرب كف بكف، بعضها الواحد

بيتعلم منها

قلت أرص بعض المواقف اللي باعدي عليها، من باب التسلية، وقد يكون فيها

بعض الاتعاظ مثلا

متولي هاينزمان

بعد ما ألفت قصة متولي هاينزمان حبيبي، وبعد ما ابتديت أنشر القصة دي

عبر الايميلات بهدف توعية المسلمين بخطورة الجهل اللي بالمنظر ده،

ووسط ردود الأفعال المتفقة على خطورة الأمر، صادفني هذا التعليق من

أحد الناس اللي ما يعرفونيش

اللى ألف القصة دي واحد مش مسلم ومش عربي

ده هدفه السخرية من الإسلام والمسلمين

طب هو الجهل مضايقه في ايييييييه؟

ما الجهل موجود في كل حتة

دي كانت الاتهامات اللى وجهت لي، بس انا ناقلها بالمعنى، مش بالنص

لكن أخيرا اكتشفت إني (من وجهة نظره) مش مسلم ولا عربي، لا ده أنا

واحد مستشرق مستغرب مزبهل من بتوع المؤامرة على الإسلام ومن

الصهاينة ولاد اللذينَ اللي كتبوا كوكا كولا بطريقة تخليك لما تقراها قدام

المرايا تلاقيها لا محمد لا مكة

بس بصراحة، على الرغم من إنه صعبان عليّ اللى كتب الكلام ده، إلا إني

ضحكت من قلبي والله بعد ما قريت كلامه، وكان نفسي أقول له: لا ياعم، أنا

مسلم عربي مصري سلفي إرهابي متشدد متنطع متحذلق متفزلك متأنتخ

ملحوظة للناس اللى تحت خط الغباء: لا يصح من الأوصاف اللي فاتت دي إلا أول 4 بس

العساكر والموبايلات

كنت راكب المترو، ولاقيت واحدة محجبة قاعدة لوحدها

وفجأة لاقيت 3 عساكر أمن مركزي، الظاهر انهم مروحين فركبوا المترو

وراحوا محوّطين على الست الغلبانة يا عيني وقعدوا جنبها

لاقيت بقى اتنين منهم معاهم موبايلات 6600 ومنهم اللى معاه سماعات

في ودنه وعمالين ينقلوا لبعض حاجات بالبلوتوث، ودار بينهم (العساكر

أحاديث زي دي

* طيب ياعم ماعندكش حاجة حلوة كده॥ حاجة حلوة كده يعني.. اه حاجة

حلوة.. (والمعنى في بطن العسكري)ـ

* طيب عندك ايه ألعاب؟

عندي دبابات، وطيارات، وحرب الكواكب ،وماريو، وأكالة الجبنة*

* أكالة الجبنة؟

* أيوة أكالة الجبنة

بعد كده فوجئت بالست اللي كانت صعبانة عليا عشان محبوسة وسطهم،

عمالة ترغي بقى معاهم

وعمالة تسأل: الموبايل ده مستعمل طبعا، انت جبته بكام؟ ومين اللي

باعهولك؟

وهاتك يا رغي مع العساكر

ومش لاقي تعليق

انقطاع النت

وانا عمال باتكلم مع واحد عن ان قطاع النت بسبب انقطاع كابل الالياف

الضوية اللي في البحر المتوسط

لاقيت واحد تاني بيسألني بعدها: هو ايه الموضوع؟ انا سامعكم بتتكلموا

في حاجة كده

فقلت له اصل حصل كذا كذا والنت قطع والخ الخ

فقال لي: اه، طيب، انا كنت فاكرها كارثة ولا حاجة

ولا تعليق

ممكن منديل

ايام المدرسة، وانا في إعدادي، كنت في مرة محتاج منديل ضروري। واليوم

ده ماحدش في الفصل كله كان معاه مناديل

المهم قلت أروح أطلب من المُدرسة، فدار بيني وبينها الحوار ده

أنا: ميس، يا ميس، ممكن منديل؟

المُدرسة: انت بتطلب مني منديل؟

أنا: اه

المُدرسة (بصوت أعلى): انت بتطلب مني أنا منديل؟؟؟

أنا (متعجبا): اه !!!ـ

المُدرسة (بغضب شديد): ما تطلبش مني منديل، شوف زمايلك اطلب منهم

منديل

أنا: ماهو ماحدش معاه منديل

المُدرسة: ولو برضه، ما تطلبش مني أنا منديل

وانتهى الحوار على كده، وبقى عندي استعجاب واستغراب شديدين،

بالإضافة إلى كراهية للست دي

مش عارف، طب ايه؟

هل انا طلبت طلب غريب مثلا؟ ولا كلمة منديل دي ليها معني مش كويس؟

ولا ايه؟

يا ريت لو حد يعرف يقول لي، بدل ما احط نفسي في المواقف دي تاني

السجاير

كنت قاعد مع واحد كبير في مطعم، كنا على طاولة لوحدنا وعمالين نتكلم

المهم إنه راح مطلع علبة السجاير، وقبل ما يولع واحدة قال لي: انت

بتتضايق من السجاير ولا حاجة؟ لو بتتضايق قول عادي

فكرت قليلا وقلت: هو الموضوع مش إني أنا اللى اتضايق، الموضوع ان ده

يغضب ربنا

فقال بنبرة حزينة: ربنا يهدينا، وراح مولع السيجارة

فكرت بعد كده، طب هل كان المفروض أقول له: ايوة انا باتضايق من

السجاير؟

هل هو كان هيراعي شعوري وما يضايقنيش؟ أكيد

طب الفكرة بقى هل هو بيراعي شعوري ومضايقتي أكتر ما بيخاف من

غضب ربنا؟

سبحان الله، ربنا يهديه، ويهدينا

ما ترَقـّصش قدام الجون

من كام سنة كده، رجعت مرة من صلاة الفجر، وقعدت ألعب فيفا 2002 يمكن

أفوق شوية، عشان كنت تعبان لكن مش عايز أنام

وقلت في نفس الوقت أستفيد من وقتي وأسمع درس للشيخ محمد حسين يعقوب

فحطيت الهيد فونز في وداني وقعدت ألعب

المهم بعد شوية فوجئت بالشيخ وهو بيقول لي بنبرة حازمة:

ما ترقصش قدام الجون!!!ـ

طبعا لك أن تتخيل مدى فزعي، لما ألاقي الشيخ يعقوب زي ما يكون قاعد

ورايا وعمال يوجهني وأنا بالعب، خاصة واني كنت فعلا بالعب قدام الجون

بتاعي

الفكرة إن الشيخ كان بيتكلم عن إن الواحد لازم يخلي فيه مسافة بينه وبين

الحرام، ما يفضلش شغال في الشبهات عشان ما يقعش في الحرام، زي

بالضبط اللى بيرقـّص قدام الجون

مرة تانية كنت سايق العربية، وكان الشيخ يعقوب برضه شغال درس ليه في

الكاسيت

فقال: أول حاجة تعملها للاستعداد لرمضان (وسكت الشيخ شوية)

فقلت أعلى الكاسيت شوية يمكن انا مش سامع

لاقيته فجأة بيقول لي: دوووووس دبريااااج

ولك أن تتخيل فزع مشابه تقريبا للفزع الأولانيهو كان قصده دوس دبرياج وهدي كده وقلل ذنوب ومعاصي عشان تستعد

لرمضان

ده غير بقى الناس اللى بتحكي انها شافت الشيخ على الدش وهو بيقول

للمشاهد: ارمي السيجارة من ايدك، سيب الريموت، نزل رجلك وانت قاعد،

وركز معايا

ويطلع اللى بيتفرج فعلا بيعمل الحاجات دي

سبحان الله

وقد يكون للحديث بقية إن شاء الله

انا راجع راجع راجع تاني

انا راجع راجع راجع تاني

هااغني وهفرح كدا من تاني

ويارب الجرح اللي انا عيشته مايعيشه حد بعدي تاني

بحبك .................... و حشتينى ................

انا اسف على التاخيربجد وحشتينى يا مدونتى و انا اسف ان انشغلت عنك كل ده

بجد انتى كان ليكى اثر جميل و كبير فى حياتى و اتعرفت عن طريقك

على اجمل شخصيات و اروع اصدقاء

متزعليش منى انى سيبتك كتير كده من غير اهتمام و من غير حتى كلمه صغيره تعبر لك على محبتى ليكى

انتى اول واحده عارفه انه كان غصب عنى و كمان انتى اول واحده انا حكيت معاها عن سرى و عن حكايتى

و انتى كمان اول واحده شجعتنى انى اكلمها و اقولها انى بحبها

و بجد نصحيتك الغاليه دى هى سبب و سر سعادتى دلوقتى و سبب اجمل لحظات بعيشها

و بجد شكراً لكل اصدقائى الى جم هنا فى غيابى و وقفوا جنب مدونتى و حسسوها انها مش لوحدها و كأنى كنت موجود بالظبط انشاء الله

مش هغيب عنك تانى

loveAllah

" متولي هاينزمان "

السلام عليكم

ملحوظة هامة جدا: هذه القصة غير واقعية، إنما الهدف منها السخرية من الجهل

أكرر: هذه القصة غير واقعية

أكرر عشان فيه ناس لا مؤاخذة بتتظاهر إنها تحت خط الذكاء: هذه القصة غير واقعية

ده نموذج (غير حقيقي ومبالغ فيه) للرسايل العقيمة اللى المسلمين بيتداولها دلوقتى

كان ياما كان

كان فيه راجل ملحد معادي للإسلام اسمه

" هاينزمان "

راح الراجل ده في مرة عشان يناظر أحد علماء المسلمين في القرن الثاني الهجري

ولما قابل فعلا أحد العلماء قال له بخبث ودهاء: تعالى بقى يا شيخ لما أغلبك فيمناظرة

تقدر تقول لي لما رقم اتنين قبله رقم واحد، يبقى رقم واحد قبله رقم كام؟؟؟

قال له الشيخ بكل ثقة: صفر

اندهش الملحد من ذكاء وعبقرية الشيخ

وقال: كيف لرجل في القرن الثاني الهجري أن يعرف هذه المعلومات

أشهد أن لا إله إلا الله

ورمى طاقية اليهود اللي كان لابسها على الارض، مع انه ملحد

ونزل على الأرض ليقبل تراب مصر عشان بلد الأزهر الشريف

والناس لما شافوه السنة اللي بعدها بيحج قالوا له: مش انت الراجل اليهودى الملحد (مش عارف ازاى) اللي كنت بتحارب الاسلام طول عمرك؟

قال لهم: أنا أسلمت وغيرت اسمي لـ

" متولي هاينزمان "

وبعدها اترقى لحد ما بقى الرجل الاول والاوحد في وكالة ناسا لعلوم الفضاء

واتعمل له تمثال في ميدان العباسية نظرا لدفاعه المستميت عن الاسلام

لكن الانجليز لما دخلوا مصر قالوا: مش ده هاينزمان الرجل اليهودي الملحد اللى اسلم

ومن ساعت ما اسلم وهو مسهرنا الليل وعامل لنا رعب وقلق بدفاعه المستميت عن الاسلام

فلما جم يكسروا التمثال ... سبحان الله ... لقوا ايد التمثال اترفعت

والتمثال بيقول لهم، انا الجنى حارس التمثال

...امشوا من هنا يا اولاد الـ

ومن ساعتها والناس بتروح ميدان العباسية عشان تزور مقام سيدي هاينز

والعجيب والغريب والمريب والرهيب إنهم لما صوروا قبره بالليل لاقوه بينور

والراجل اللى صوره (اللى لحد دلوقتى مش عارفين هو مين) بيحلف انه شافه منور
يا حلاوة

وبعدين لما الامريكان حبوا يشوهوا صورة هاينز مان

عملوا كاتشب بلون الدم سموه "هاينز" في اشارة الى الارهاب والعنف والدموية فىالاسلام

شفتوا المؤامرة اللي ضد الاسلام عاملة ازاى

بعد كده الراجل صاحب فكرة الكاتشب دي لاقوه في شقته ميت محروق، مخنوق، غرقان، مضروب بالنار، مشنوق

بس كوندوليزا رايس مكتمة على الخبر

ودي كانت قصة متولي هاينزمان

الشخصية الاسطورية اللي اخترعتها من وحي دماغي

اوعى تكون مش مصدق الاعجاز العلمي الجديد ده ولا حاجة

لو مش مصدق ابعت رسالة لـ"متولي هاينزمان" على الايميل ده
lovemuslem@hotmail.com

ده حتى بالأمارة الحاج أحمد حامل مفتاح الكعبة (شخصية أسطورية برضه) شاف هاينزمان" في المنام

وغير كده فيه واحدة اسمها فاطمة لما كان عندها الحصبة والدكاترة قالوا لها هتموتييعني هتموتي، شافت "متولي هاينزمان" برضه في المنام

ماهى طبعا لازم يكون اسمها فاطمة عشان تبقى ماشية مع القصة، يعني هيبقى اسمها فكيهة مثلا؟؟؟ )

وقال لها حال المسلمين مش عاجبني يافاطمة والناس بقيت وحشة اوي اوي

والحل (ومافيش حل غيره) إنك تبعتي الرسالة اللى انا كاتبها لك على حتة القماش ديلكل الناس

ماهي لازم برضه تبقى قماشة، يعني هيعملها لها على ورقة "ايه فور" مثلا؟؟؟ )

فضلا، مش امرا ولا بالعافية

ما تخليش الرسالة دي تقف عند جهازك

ولا تخليها تقعد عند جهازك

اقول لك ... امسحها من سكات كده

او ابعتها لـ13 شخص عشان "متولى هاينزمان" يجي لك فى المنام وهيقول لك على خبر كويس

واحد ضابط بعت الرسالة دي جت له ترقية في نفس اليوم بعد 13 دقيقة وماحدش عرف موضوعالـ3 اللى كان بيعذبهم يومها

وواحد تاجر اهملها وقعد يتتريق عليها خسر كل ثورته فى 13 دقيقة

واحد في حقوق عين شمس نشرها جاله امتحان الفيلد سهل جدا جدا ولقى نفسه عمال يحل كويس

وواحد زميله فى نفس السكشن اهمل الرسالة جاله امتحان الدولي صعب

واحد تاجر أدوات صحية كبير، استهزأ بيها فاتحشر في التواليت اللي في المحل عنده

وواحد تاجر مخدرات رهيب، فنشرها 1256934 مرة فوروورد فالحمد لله، صفقة الهيرويناللي جاية من ليبيا عدّت على خير

انشرها يمكن تاخد ذنب حلو

او يمكن تكون تلكيكة عشان تاخد ايميل صاحبتك وتبعتها لها

بس خليها
BCC

والا مصر كلها هتعرف ايميل صاحبتك

ويا سلام بقى لو هي ترد عليك بنفس الرسالة

عشان تتطمنوا ان الحب بينكم لسه مستمر مهما كانت الظروف

وبعدين خلى بالك من حاجة مهمة جدا

شركة هوت ميل برعاية "هاينزمان" وشركاه بقالهم 5 سنين بيقولوا ان الشركة خلاص بتفلسوالخدمة هتبقى بفلوس بعد كده

الا لو انت بعت رسالة "هاينزمان" دي لـ13 شخص، ساعتها هتفضل الخدمة بالنسبة لك ببلاش

وطبعا مش لازم يقعدوا يحلفوا ان المرة دي هم صادقين، عشان الشعب المصري غلبان وبقاله 5 سنين بيصدق على طول

أنشرها فقط لأن فيها
" لا إله إلا الله "

يعني مش مهم كل الهجص اللي مكتوب ده، المهم تنشرها عشان فيها
" لا إله إلا الله "

وده كان مثال مبسط للجهل اللى احنا عايشين فيه

ربنا يهدينا

ملحوظة: يمكن ناس كتير تبقى مش عارفة أنا باتتريق على ايه بالضبط

بس معلش، اعتبروا المعني في كرش الشاعر

والسلام عليكم

إن شاء الله، إن شاء الله .....

السلام عليكم

" إن شاء الله "

كلمة عظيمة

وأمرنا بالتمسك بها في قول الله تعالى: وَلَا تَقُولَنَّ لِشَيْءٍ إِنِّي فَاعِلٌ ذَلِكَ غَدًا * إِلَّا أَن يَشَاء اللَّهُ وَاذْكُر رَّبَّكَ إِذَا نَسِيتَ وَقُلْ عَسَى أَن يَهْدِيَنِ رَبِّي لِأَقْرَبَ مِنْ هَذَا رَشَدًا

( الكهف/23،24 )

لكن لاحظنا إن ناس كتير جدا جدا بتستخدم الكلمة دي استخدام خاطئ

استخدام (آسف أقول إنه) بينفر الناس من الكلمة دي

عن غير قصد، سواء من المتكلم، أو السامع

يعني تلاقي عيّل صغير رايح يقول لأبوه: انا عايز أروح الحتة الفلانية

تلاقي الأب يقول له بكل براءة: "إن شاء الله" يا حبيبي! ! !

فتفاجأ بالابن يصرخ قائلا: ما تقوليش إن شاء الله

ماهو كتير من الآباء والأمهات بيعودوا اولادهم وبناتهم على كد

هكلمة "إن شاء الله" ترسخ أذهانهم أن المعنى المقابل لها هو: في المشمش

عن غير قصد من الآباء، وعن جهل وبراءة من الأبناء

طالما قال الأب أو قالت الأم "إن شاء الله"، يبقى مش هينفذ طلب الابن أو البنت

للأسف الموضوع بيتطور بعد كده

تلاقي الواحد يكبر وتفضل فيه العادة دي

الاول يطلب طلب: ابقى هات لي معاك كذا

الثاني يقول بتلقائية: ربنا يسهل

او يقول: قول يا رب

كده طبعا الاول تأكد بنسبة تقارب الـ100% ان الثاني مش هيعمل له حاجة، هو بيسكته بس
بالكلمة

ولو اعترض الاول، يرد الثاني ويقول: يعني ما اقولش ربنا يسهل؟
ومش عايز تقول يا رب؟
قول يا رب

ويضحك

حتى في وسط المتدينين

تجد كلمة "إن شاء الله" للأسف الشديد لها معنى سلبي

لكن مختلف قليلا

تلاقي الواحد منهم يقصد بيها التوكل على الله، لكن ينقلب الأمر إلى "تواكل" سطحي
بغيض

يعني.....

واحد قال لي: تعالى نروح درس الشيخ يعقوب في عابدين

قلت: الشيخ يعقوب؟ ده مالوش درس ثابت دلوقتى خالص

قال لي: لا ما انا سمعته في شريط بيقول انه بيدي درس في عابدين، وبعدين "إن شاء
الله، إن شاء الله" هنلاقيه هناك

ملحوظة: قد يكون تاريخ إصدار الشريط حديثا، لكن تاريخ إلقاء الدرس قد سبقه بما يصل
إلى 10 سنين!!!!

المهم صاحبي ده ضرب مشوار محترم لعابدين، وفوجىء هناك !!!
بإن الشيخ بطل يدي دروس هناك
من 6 سنين

وخد عندك بقى قصص زي دي كتير

واحد تاني جمع اصحابه عشان يزوروا واحد صاحبهم مريض، من غير ما يكلموه ولا يعرفوا
هو موجود الاول ولا لا

وبعد ما جمعوا نفسهم واشتروا له بسبوسة، راحوا لاقوه مش في البيت اصلا

وكانت الحجة إنه "إن شاء الله، إن شاء الله" هيبقى موجود أكيد يعني

واحد تالت كان عامل معرض في الكلية عندنا قبل الامتحانات باسبوعين او3

ولما قلت له: ماحدش هيروح لك المعرض

قال لي: "إن شاء الله، إن شاء الله" الناس هتيجي

واحد رابع يبقى راكب معايا في العربية واحنا تايهين وانا سايق

।يقول لي: خش من الشارع عشان نوصل

اقول له: ايش عرفك؟؟؟

يقول لي: ما اعرفش، "إن شاء الله، إن شاء الله" هو ده الطريق الصح

واحد خامس ييجي واحنا قاعدين في الصف الاول في المسجد مستنيين اقامة الصلاة، ويقوم
حاشر نفسه وسط الناس

نقول له: يا شيخنا المكان مش هيكفي، مش عشان تاخد ثواب الصف الاول تؤذي الناس

يقول: لا "إن شاء الله، إن شاء الله" المكان هيكفي

واحد سادس ناوي يتجوز إن شاء الله، من غير ما يشوف اللى هيتجوزها دي ولا يتكلم
معاها ولا يتعرف عليها، حتى الآن


اقول له: طب افرض ما حصلش توافق بينكم؟

يقول لي: لا "إن شاء الله، إن شاء الله" هيبقى فيه توافق

كفاية كده عليكم

بس انا نفسي الناس تاخد بالها من المشكلة دي

وتعطي الكلمة العظيمة دي قدرهاوتحافظ عليها دايما دايما

لكن ما تبقاش دليل على التواكل، او على الرفض

والسلام عليكم

اللحظات الاخيره " رجاء اقرئها بقلبك "

كل واحد وليه طريقته !!

كل واحد وله طريقته
هو ده الحب
وهي دي حقيقته
في اللي يحبك ويقول ليك
ببقي بدوب وانا بين ايديك
وكل واحد وله طريقته
وفي اللي يحبك ويموت فيك
ويدي روحه فدا لعينيك
وكل واحد وله طريقته
وفي اللي يبقي
يقول بحبك
ويهدي روحه فدا لحبك
وكل واحد وله طريقته
وفي اللي ساكت مع انه عاشق
وروحه شابكه في روح حبيبته
وكل واحد وله طريقته
ياتري بقي انت مين في دول
فكر وفكر وبسرعه قول
ادي الحلول
ماتخافش قول
دا كل عاشق وله طريقته

اهداء الي الاسكندرنيه الغاليه

والي اهل بيتها

بحلم ويحلالي

بحلم ويحلالي

احلم وانا مالي اللي هيحصل ايه

راضي انا بحالي

راضي وبعيش حالي من غير مفكر فيه

بحلم وحلمي عنيد

لكن نصيبي اكيد لازم حيوصلي

مدومت انا وياه

وفي قلبي نبض حياه اكيد يوصلني

اللهم اني اسألك من فضلك

اعتذر لصديقتي واختي الغاليه الاسكندرنيه

لتاخري في كتابته موضوع كل واحد وليه طريقته

شيء من احلامي ..... شيء من الحياة

بعد انتهاء جولتهما سوياً فى شوارع وسط البلد وقفت تتفرج على إحدى محلات المجوهرات الكبرى، لفت نظرها خاتماً رقيقاً ، إقترب منها ليرى لما لم تأتى لتركب معه السيارة ، فرآها تنظر لذلك للخاتم فنظر معها وأخبرها بأنه رقيق جدا..ه

.

ألتفتت لتذهب للسيارة فوجدته يمسك بيدها ليدخلا المحل ، إندهشت لتصرفه هذا .. فلا يوجد داعى ابدا لأن يشترى لها خاتماً .. دخلا المحل وطلب من الجواهرجى ان يحضر لها ذلك الخاتم ، آتى به وإرتدته وهى تشعر بفرح شديد ، فى حين طلب هو من الجواهرجى ان يأتى بطاقم كامل رقيق أيضا ، لم تنتبه لما طلبه من الجواهري كانت معجبة جدا بالخاتم .. اقترب منها هامساً: "حياكل من إيدك حتة !" .. إبتسمت فى حياء ولكنها سرعان ما اخفت هذه الإبتسامة لعودة الجواهرجى بعدة اطقم ثمينة للغاية

"ها تختارى انهى؟؟"ه

"بس ده كتير اوى .. ما كفاية الخاتم!"ه

"حتتعبينى انا عارف" .. اشاح ببصره عنها موجهاً كلامه للجواهرجى: "هناخد الطقم ده من فضلك!"ه

كادت تطير من الفرحة لا للطاقم ولا للخاتم .. بل لحبه الأثمن من كنوز الأرض ولو اجتمعت ، خرجا من المحل وهى تنظر للخاتم فى إصباعها وتسأله ضاحكة ً : "حلو عليا بجد؟؟"ه

لم يجيبها بل انحنى وقبل يدها فى وسط المارة فى الشارع ! .. يا الله ! لم تعد قادرة على النطق من فرط حبه لها

.

ذهبا للسيارة وبدأ هو فى قول دعاء الركوب وبدأت هي فى تشغيل الكاست ليسمعا القرآن .. هكذا تعاهدا ان يفعلا كلما استقلوا سيارتهم فيكون الطريق كله ذكر لله .. بدأ فى تشغيل المحرك وإلتفت إليها مداعباً:" قلتى دعاء الركوب ولا نسيتى زى كل مرة؟! ".. اجابته بإبتسامة تعنى انها قالت الدعاء

.

انشغل فى القيادة وترتيل القرآن مع المسجل بينما سرحت هي مع الشوارع والناس ، تاهت فى بحر اعماقها ، كان يعلو وجهها ابتسامة رضا هادئة ، تذكرت يوم زفافها عليه منذ عشر سنوات و كيف كانت فى منتهى السعادة لانها ستصبح زوجة له ، لم تكد تصدق انها حقا ستكون زوجة لمن هو اكثر بكثير مما كانت تحلم وتدعوا الله به ، تذكرت لحظات كتب الكتاب ونظراته لها وهو يمسك بإيد والدها ويقول مع المأذون ، وحينما دخلت بيتها معه وأول كلماته لها: "نورتى بيتك وحياتى يا عروسة ! ".. ضحكت كثيرا حينما تذكرت كم كانت تخجل منه

.

كانت اسعد زوجة معه ، كانت تحمد الله بعد كل صلاة على نعمة هذا الزوج وكانت تدعى الله بأن يقبض روحها وهو راضى كل الرضا عنها ، حاولت إسعاده بشتى الطرق ولكنه لم يكن يحبها .. بل كان يعشقها كل العشق ، مرت ايامهم معاً هكذا ولكن بلا أطفال ! .. لم يشاء الله ان ينجبا .. قاما بفحوصات كثيرة جدا ولكن كل مرة تخلص النتيجة على انه لا يوجد مانع لديهما من الإنجاب ولكنها مشيئة الله عز وجل

.

ذات يوم عاد من عمله مبكرا فوجدها تصلى بصوت مسموع ممزوج بالبكاء! .. وقف ينظر إليها متعجباً .. لم يكن معاد أى صلاة وهى لا تأخر الصلوات! ، شعر انها فى حالة قرب شديدة من الله فلم يشأ ان يخرجها من معيته ... فقط وقف لينظر ، انهت الصلاة واخذت تدعى وتجهش فى البكاء بأن يرزقهما الله الذرية الصالحة .. رفق بحالها فجلس بجوارها واخذ يأمن على دعائها وهو يبكى كطفل صغير حتى انتهت .. هدأت ولكنها لم تشعر بوجوده بجوارها فأخذ يربت على اكتافها .. ما ان رآته ينظر إليها والدموع فى عينيه حتى انفجرت فى احضانه بالبكاء من جديد

.

كانت تحبه بجنون .. لم ترا منه سوا الخير، كان يخاف عليها من اى شئ وكل شئ ..كان كريم معها فى حبه ومشاعره وماله ووقته .. كان على استعداد ان يقوم بأى شئ لإسعادها ، كان جنة الدنيا حقاً ، كبرا سويا وحصل على منصبا محترما جدا فى الشركة التى يعمل بها .. وهى اصبحت خبيرة فيما يحبه وما يكره ، تحفظه تماما .. كانت له الزوجة والأم والإبنة والعشيقة والصديقة وكل شئ .. ارتضت به عن الأبناء وهو ايضا لم يفكر ولو لثانية فى ان يبتعد عنها

.

ذات يوم كانت فى المطبخ تعد له الطعام قبل ان يآتى من عمله .. عاد يبحث عنها فى كل انحاء المنزل وينادى عليها بلهفة.. اخبرته بأنها فى المطبخ .. دخل عليها فرحبت به وقال لها: "ليكى خبر حلو عندى"ه

"يارب خير؟؟"ه

"ممممم .. اتحايلى عليا شوية"ه

"يوه بقا متبقاش غلس .. ايه؟؟"ه

"حنروح نحج!!!!"ه

ما ان نطق بهذه الجملة البسيطة الصغيرة جدا حتى وجدها كالمجنونة لا تصدق ما سمعت ، فهى تارة تصيح من الفرحة وتارة تبكى من عدم التصديق .. آخذت تقبله بشدة وتسأله بإلحاح: "إنت بتتكلم بجد؟؟؟؟"ه

.

.

على ظهر الطيارة نظر إليها وسألها: "مبسوطة؟؟"ه

"الحمد لله .. طول عمرى نفسى احج اوى بس فرحتى دلوقتى فرحتين ، الفرحة الأولى انى ححج والفرحة التانية انى ححج معاك .. بحب عبادتنا لربنا سوا اوى .. يارب ربنا يرزقنا الذرية الصالحة"ه

"آمين يارب .. ححبهم اوى تعرفى ليه؟"ه

"ليه؟"ه

"عشان حيكونوا حتة منك انتى .. ربنا يباركلي فيكى ويخليكى ليا"ه

.

.

ذهبا وكانت من اجمل الايام حقاً .. دعا الله كثيراً بالذرية الصالحة ولكنهم دعوا ايضا بأن يرزقهم الله الصبر والرضا على كل شئ .. تعلما فى رحلة الحج ان يكثرا من الإستغفار حتى ينعم الله عليهم بالذرية .. ومن يوم ان عرفا هذه الطريقة وهما لا يتركا الإستغفار ابدا

.
.

ظلت غارقة فى الذكريات ولم تفيق الا بعد ان ركن السيارة وشعرت بيده على وجهها وهو يمسح دمعة نزلت رغما عنها وهى تتذكر حياتهما سوياً .. سألها بقلق: "خير مالك في ايه؟؟"ه

ابتسمت واخذت يده تقبلها بحنان واقتربت من اذنه هامسة ً: "انا حامل!"ه

اثنا و عشرون سؤالا من قسيس لمسلم وسؤالا واحدا من مسلم...!!!

سؤال واجابة اعجبوني وذهلت لبراعةهذاالشخص ونباهته

كان رجل مسلم له صديق مسيحي فألح المسيحي علي المسلم بأن يذهب معه للكنسية
ليحضر درس من قسيس و يدلي رأية للمسيحي
فوافق المسلم و ذهب معه
فعرفه القسيس وقال
يوجد بينكم محمدي اي ( مسلم )
فوقف المسلم وقال له كيف عرفت؟
فقال القسيس سماههم في وجوههم
فابتسم المسلم و قال له القسيس اريد ان اسألك اثنان وعشرون سؤال22
إليك الأسئلة:

ما هو الواحد الذي لا ثاني له؟

ما هما الاثنان اللذان لا ثالث لهما؟

ما هم الثلاثة الذين لا رابع لهم؟

ما هم الأربعة الذين لا خامس لهم؟

أما هم الخمسة الذين لا سادس لهم؟

ما هم الستة الذين لا سابع لهم؟

ما هم السبعة الذين لا ثامن لهم؟

ما هم الثمانية الذين لا تاسع لهم؟

ما هم التسعة الذين لا عاشرة لهم؟

ما هي العشرة التي تقبل الزيادة؟

ما هي الإحدى عشر الذين لا ثاني عشرة لهم؟

ما هي الاثنا عشر الذين لا ثالث عشر لهم؟

ما هي الثلاثة عشر الذين لا رابع عشر لهم؟

ما هو الشيء الذي يتنفس ولا روح فيه؟

ما هو القبر الذي سار بصاحبه؟

من هم الذين كذبوا ودخلوا الجنة؟

ما هو الشيء الذي خلقه الله و أنكره؟

وما هي الأشياء التي خلقها الله بدون أب و أم؟

من هو المخلوق الذي من نار ومن هلك بالنار ومن حفظ من النار؟

ومن الذي خلق من حجر وهلك بالحجر وحفظ بالحجر؟

ما هو الشيء الذي خلقه الله واستعظمه؟

وما هي الشجرة التي لها اثني عشر غصنا وفي كل غصن ثلاثين ورقة وفي كل ورقة خمس ثمرات ثلاث منها بالظل واثنتان بالشمس؟



فأبتسم المسلم ابتسامة الواثق بالله...

وسمّّّا بالله * بسم الله الرحمن الرحيم *


الله سبحانه وتعالي الواحد لا ثاني له

والاثنان اللذان لا ثالث لهما: الليل والنهار وجعلنا الليل والنهار آيتين

والثلاثة التي لا رابع لها هي:أعذار موسى مع الخضر في إعطاب السفينة وقتل الغلام وإقامة الجدار

والأربعة الذين لا خامس لهم: القرآن و الإنجيل والتوراة والزبور

والخمسة التي لا سادس لهم الصلوات الخمس المفروضة

والستة التي لا سابع لها الأيام التي خلق الله تعالى فيها الكون

والسبعة التي لا ثامن لهم السموات السبع الذي خلق السبع سموات طباقا ما ترى من خلق الرحمن من تفاوت

والثمانية الذين لا تاسع لهم هم حملة عرش الرحمن ويحمل عرش ربك يومئذٍ ثمانية

والتسعة اللاتي لا عاشر لها هي معجزات موسى عليه السلام العصا ، اليد , الطوفان , السنون , الضفادع , الدم , القمل , الجراد , شق البحر

وأما العشرة التي تقبل الزيادة هي الحسنات من جاء بالحسنة فله عشرة أمثالها والله يضاعف الأجر لمن يشاء

والأحد عشر الذين لا ثاني عشر لهم هم أخوة يوسف عليه السلام

والاثنا عشر التي لا ثالث عشرة لها هي معجزة سيدنا موسى وإذا استسقى موسى لقومه فقلنا اضرب بعصاك الحجر فانفجرت منه اثنا عشر عيناً

والثلاثة عشرة الذين لا رابع عشر لهم هم إخوة يوسف وأبيه وأمه

وأما الذي يتنفس ولا روح فيه فهو الصبح والصبح إذا تنفس

وأما القبر الذي سار بصاحبه هو الحوت عندما التقم سيدنا يونس عليه السلام

وأما الذين كذبوا ودخلوا الجنة هم أخوة يوسف عليه السلام

والشيء الذي خلقه الله و أنكره هو صوت الحمير إن أنكر الأصوات لصوت الحمير

وأما ما خلق وليس له أب وأم فهم :آدم عليه السلام,ناقة نوح,كبش الفداء, الملائكة

وأما ما خلق من نار فهو إبليس ومن هلك بالنار فهو أبو جهل ومن حفظ من النار فهو إبراهيم عليه السلام

وأما ما خلق من الحجر فهي ناقة صالح عليه السلام ومن هلك من الحجر فهم أصحاب الفيل وأما من حفظ بالحجر فهم أصحاب الكهف

وأما ما خلقه الله واستعظمه فهو كيد النساء إن كيدهن لعظيم

والشجرة هي السنة التي لها اثني عشر شهرا 'غصنا' والثلاثين ورقة هي الأيام في كل شهر والخمس ثمرات هي الصلوات الخمس والثلاث التي بالظل هي :صلاة الفجر والمغرب والعشاء والاثنتان التي بالشمس هي: الظهر والعصر


هذا كان رد المسلم فاستعجب القسيس والحضور ولكن فوجئ القسيس بسؤال واحد موجه من الشاب المسلم
وهو:


ما هو مفتاح الجنة؟؟

هنا لم يقدر القسيس على الإجابة لكنه اضطر للإجابة بعد إل حاح الوجود
ولكنه طلب الأمان .

أتتوقعون لماذا؟!

لان الإجابة هي:

أشــــهد أن لا إلـه إلا الله وأن مــــحمدا رســـــول الله
فأسلم القسيس ومن معه في الكنيسة
اترون ما اعظم الثقة بالله

صحائفنا لعام 1428 طويت ...... فيا تري .....

كل عام هجري وكلكم طيبين واقرب لربنا
ومزيد من طاعته وحبه
يارب كله حب وقرب منك ان شاء الله
صحائفنا لعام 1428 قد طويت
فيا تري نسعد بها ام نشقي ؟
قال الحبيب صلي الله عليه وسلم :
(طوبي لمن وجد في صحيفته استغفارا كثيرا )
فهيا بنا نملاء صحائفنا استغفارا
استغفر الله
استغفر الله
استغفر الله